1
初三、十八暝，早洘日晝滇。 Tshue sann, tsa̍p pueh mî, tsá khó ji̍t tàu tīnn.
2
初三、十八，天光大te̍h。 Tshue sann, tsa̍p pueh, tinn kng tuā te̍h.
3
初三、十八流，無一擔也有一頭。 Tshue sann, tsa̍p pueh lâu, bô tsi̍t tànn ā ū tsi̍t thâu.
4
初八、二四，一日兩滇。 Tshue pueh, jī sì, tsi̍t ji̍t nn̄g tīnn.
5
初九、二十暝，月落月上兩三更。 Tshue káu, jī tsa̍p mî, ge̍h lo̍h ge̍h tsiūnn nn̄g sann kinn.
6
初十、二五，食下晝下滬。 Tshue tsa̍p, jī gōo, tsia̍h ē tàu ē hōo.
7
十九坐甲目睭烏漚。 Tsa̍p káu tsē kah ba̍k tsiu oo áu.
8
九月初八Kán kóo王。 Káu ge̍h tshue pueh Kán kóo ông. (九月初八番薯王。) (Káu ge̍h tsue pueh Han tsû ông.)
9
袂thoo得。 Buē thoo--eh.
10
落流小。 Lo̍h lâu sió.
11
上風落流。 Tsiūnn hong lo̍h lâu.
12
張星望斗。 Tiunn tshinn bāng táu.
13
徛山頭家。Khiā suann thâu ke.
14
山頂lāi bâ。 Suann tíng lāi bâ.
15
粗魚幼鰓。 Tshoo hû iù tshi.
16
收跤洗手。 Siu kha sué tshiú.
17
山窮海竭。 Suann kîng hái kia̍t.
18
𩚨𩚨粽粽。 Khiū khiū tsàng tsàng.
19
Láu thâu鸚哥鼻。 Láu thâu ing ko phīnn.
20
夏魚毋過午。 Hā hû m̄ kè ngóo.
21
漚魚無漚脯。 Àu hû bô àu póo.
22
貪俗買狗鯊。 Tham sio̍k bué káu sua.
23
鯽仔魚釣大𩸙 。 Tsit á hû tiò tuā tāi.
24
不成ông liân keh仔。Put sîng ông liân keh á.
25
大鯊綴狗屎印。 Tuā sua tè káu sái ìn.
26
是山雞毋是海鴨。 Sī suann kue m̄ sī hái ah.
27
走去的魚較大尾。 Tsáu--khù ê hû khah tuā bé.
28
冬節過，討無物配。 Tang tsueh kè, thó bô mi̍h phè.
29
鸚哥惜眼，pūn仔惜尖。 Ing ko sioh gán, pūn á sioh tsiam.
30
有錢食鮸，無錢免食。 Ū tsînn tsia̍h bián, bô tsînn bián tsia̍h.
31
千年草子，萬年魚栽。 Tshian nî tsháu tsí, bān nî hû tsai.
32
鮡掠起來才欲去窒鮡空。 Thiâu lia̍h--khé tah boh khù that thiâu khang.
33
親像丁香，鱙仔咧落笱。 Tshin tshiūnn ting hiunn, tsâu á teh lo̍h kô.
34
抾著美國屎，較贏討大海。 Khioh tio̍h Bí kok sái, khah iânn thó tuā hái.
35
會泅佮會沬，都毋驚毋捌字。 Ē siû kah ē bī, to m̄ kiann m̄ pat jī.
36
若欲學會曉釣keh仔，著先學會曉搤蝦仔。 Nā boh o̍h ē hiáng tiò keh á, tio̍h sing o̍h ē hiáng iah hê á.