1
藤頭篾尾。 Tîn thâu bi̍h bé.
2
深犁淺種。 Tshim luê tshián tsìng.
3
教袂上逝。 Kà buē tsiūnn tsuā.
4
揀精逃骿。 Kán tsiann tô phiann.
5
拍折鼓(古)柄。 Phah tsi̍h kóo pìnn.
6
頭較大身。 Thâu khah tuā sin.
7
軟索牽豬。 Nńg soh khan tu.
8
照字讀字。 Tsiàu jī tha̍k jī.
9
有空無榫。 Ū khang bô sún.
10
牽繩行路。 Khan tsîn kiânn lōo.
11
牽龜落甕。 Khan ku lo̍h àng.
12
風聲嗙影。 Hong siann pòng iánn.
13
輕事重報。 Khin sū tāng pò.
14
膽大心粗。 Tánn tuā sim tshoo.
15
倚壁穿褲。 Uá piah tshīng khòo.
16
掩來去扯 。 Am lâi khù tshé.
17
近廟欺神。 Kūn biō khi sîn.
18
近廟忌神。 Kūn biō khi sîn.
19
行船無等爸。 Kiânn tsûn bô tán pē.
20
鬥王公仔寶。 Tàu ông kong á pó.
21
有功拍無勞。 Iú kong phah bô lô.
22
驚都較好拍。 Kiann to khah hó phah.
23
西瓜倚大爿。 Sinn kue uá tuā pîng.
24
筊風拳頭嗙 。 Kiáu hong kûn thâu pòng.
25
慣勢生自然。 Kuàn sì sing tsū jiân.
26
對頭冤家主。 Tuì thâu uan ke tsú.
27
著力閣歹看。 Tio̍h la̍t koh phái khuànn.
28
十喙九尻川。 Tsa̍p tshuì káu kha tshng.
29
那狂那走傱 。 Ná kông ná tsáu tsông.
30
緩緩三五天。 Uān uān sam ngóo thian.
31
咒誓閣呸瀾。 Tsiù tsuā koh phuì nuā.
32
錢了人無代。 Tsînn liáu lâng bô tāi.
33
食好鬥相報。 Tsia̍h hó tàu sio pò.
34
狗蟻拜天地。 Káu hiā pài thinn tuē.
35
順路拈菜鹹。 Sūn lōo ni tshài kiâm.
36
割肉一過疼。 Kuah bah tsi̍t kè thiànn.
37
歹戲𠢕拖棚。 Phái hì gâu thua pînn.
38
惡馬惡人騎。 Ok bé ok lâng khiâ.
39
漚脯漚人食。 Àu póo àu lâng tsia̍h.
40
瘦龜瞪牛屎。 Sán ku tìnn gû sái.
41
瘦狗卸主人。 Sán káu sià tsú lâng.
42
頭過身就過。 Thâu kè sin tio̍h kè.
43
賣貨頭，卸貨尾。 Buē hè thâu, sià hè bé.
44
媒人喙，糊瘰瘰。 Hûn lâng tshuì, hôo luì luì.
45
有棺柴無靈位。 Ū kuann tshâ bô lîng uī.
46
娘快做，𡢃僫學。 Niû khuài tsuè, kán oh o̍h.
47
攑竹仔kài倒雞。 Kia̍h tik á kài tó kue.
48
錢四跤人兩跤。 Tsînn sì kha lâng nn̄g kha.
49
一分錢一分貨。 Tsi̍t hun tsînn tsi̍t hun hè.
50
經一事，長一智。 King it sū, tióng it tì.
51
上不正，眾下歪。 Siōng put tsìng, tsìng hā uai.
52
錢大百，人無肉。 Tsînn tuā pah, lâng bô bah.
53
好額無過三代。 Hó gia̍h bô kè sann tāi.
54
冤有頭，債有主。 Uan iú thiô, tsè iú tsú.
55
百姓會和官免做。 Peh sìnn ē hô kuann bián tsuè.
56
四句全才有出門。 Sì kù tsn̂g, tsiah ū tshut mn̂g.
57
六出祁山拖老命。 Lio̍k tshut Kî san thua lāu miā.
58
有一好哩無兩好。 Ū tsi̍t hó--lih bô nn̄g hó.
59
嫌貨才是買貨人。 Hiâm hè tsiah sī bué hè lâng.
60
食了有ûn閣再來。 Tsia̍h liáu ū ûn koh tsài lâi.
61
雞卵密密都有縫。 Kue nn̄g ba̍t ba̍t to ū phāng.
62
乞食嘛有三年運。 Khit tsia̍h mā ū sann nî ūn.
63
菜蟲食菜菜跤死。 Tshài thâng tsia̍h tshài tshài kha sí.
64
尻川後咧罵皇帝。 Kha tshng āu teh mī hông tè.
65
膨風水雞刣無肉。 Phòng hong tsuí kue thâi bô bah.
66
三日無餾𬦰上樹。 Sann ji̍t bô liū peh tsiūnn tshiū.
67
屎都毋是貓食的。 Sái to m̄ sī niau tsia̍h gê.
68
嗙火烌咧落棺柴。 Pòng hé hu teh lo̍h kuann tshâ.
69
未曾學行，就欲學飛。 Buē tsîng o̍h kiânn, tio̍h boh o̍h pe.
70
塗香頭咧竄韭菜地。 Thôo hiunn thâu teh tshuàn kú tshài tuē.
71
食西瓜半暝仔反症。 Tsia̍h sinn kue puànn mî á huán tsìng.
72
無積佇頭也積佇尾。 Bô tsik tú thâu iā tsik tú bé.
73
頭第一走甲尾第七。 Thâu tē it tsáu kah bé tē tshit.
74
一个童乩，一个桌頭。 Tsi̍t gê tâng ki, tsi̍t gê toh thâu.
75
久煉成鋼，慣者為師。 Kiú liān sîng kǹg, kuàn tsià uî su.
76
刺著胛，就了三斤肉。 Tshiah tio̍h kah, tio̍h liáu sann kun bah.
77
禁屎袂枵，禁尿下痟。 Kìm sái buē iau, kìm jiō hā siau.
78
項tsánn下tsánn，穿甲做媽。 Tíng tsánn ē tsánn, tshīng kah tsuè má.
79
食綠豆水，睏扁擔刀。 Tsia̍h li̍k tāu tsuí, khùn pún tann to.
80
食、食飯店，睏，睏豬砧。 Tsia̍h, tsia̍h pn̄g tiàm, khùn, khùn tu tiam.
81
艱苦做嘛著快活食。 Kan khóo tsuè mā tio̍h khuìnn ua̍h tsia̍h.
82
三年一閏，好歹照輪。 Sann nî tsi̍t jūn, hó phái tsiàu lûn.
83
近的毋買，走去遠的賒。 Kūn--ê m̄ bué, tsáu khù hn̄g--ê sia.
84
刀若捷磨，無利嘛會金。 To nā tsia̍p buâ, bô lāi mā ē kim.
85
宮前祖厝後，徛袂進益。 King tsîng tsóo tshù āu, khiā buē tsìn ik.
86
食人一斤著賠人四兩。 Tsia̍h lâng tsi̍t kun tio̍h pê lâng sì niú.
87
穿人破鞋，著偝人過溪。 Tshīng lâng phuà uê, tio̍h tsiāng lâng kè khue.
88
頭tshioh落矣，無剃是會使得? Thâu tshioh lo̍h--ah, bô thì sī ē sái--eh?
89
瞞者瞞不識，識者不可瞞。 Muâ--tsiá muâ put sik, sik--tsiá put khó muâ.
90
有準無、死虎當做活虎拍。 Ū tsún bô, sí hóo tòng tsuè ua̍h hóo phah.
91
戥仔戥出去，畚箕抔入內。 Tíng á tíng tshut khù, pùn ki put ji̍p lāi.
92
善的掠來縛，惡的放伊去。 Siān--ê lia̍h lâi pa̍k, ok--ê pàng i khù.
93
搬戲搬甲老，喙鬚捾踮手。 Puann hì puann kah lāu, tshuì tshiu kuānn tiàm tshiú.
94
紙頭也無名，紙尾也無名。 Tsuá thâu ā bô miâ, tsuá bé ā bô miâ.
95
無食烏豆閣會放烏豆屎? Bô tsia̍h oo tāu koh ē pàng oo tāu sái?
96
生雞卵哩無，放雞屎哩有。 Sinn kue nn̄g--lih bô, pàng kue sái--lih ū.
97
一日tsân九豬，九日無豬tsân。 Tsi̍t ji̍t tsân káu tu, káu ji̍t bô tu tsân.
98
長工愛落雨，乞食愛普渡。 Tn̂g kang ài lo̍h hōo, khit tsia̍h ài phóo tōo.
99
保伊入房，無保伊一世人。 Pó i ji̍p pâng, bô pó i tsi̍t sì lâng.
100
冬節豬無跤，過年豬無頭。 Tang tsueh tu bô kha, kè nî tu bô thâu.
101
上四館相疼，下四館相拚。 Tsiūnn sì kuán sio thiànn, ē sì kuán sio piànn.
102
若欲做牛，曷咧驚無犁通拖。Nā boh tsuè gû, ia̍h teh kiann bô luê thang thua.
103
一重篾起九重，無起萬世窮。 Tsi̍t tîng bi̍h khí káu tîng, bô khí bān sì kîng.
104
食無三把蕹菜就想欲上西天? Tsia̍h bô sann pé ìng tshài tio̍h siūnn boh tsiūnn se thian?
105
陳友諒拍天下予朱洪武坐位。 Tân Iú liāng phah thian hā hōo Tsu Hông bú tsē uī.
106
價數講甲甘願，斗秤就愛公平。 Kè siàu kóng kah kam guān, táu tshìn tio̍h ài kong pînn.
107
醫生驚治嗽，起厝師傅驚掠漏。 I sing kiann tī sàu, khí tshù sai hū kiann lia̍h lāu.